黄慧君，系香港嘅电视监制，人称「花姐」，代表作品系ViuTV选秀节目《Good Night Show 全民造星》。

黄慧君喺1990年代头投身电视界，曾经喺无綫电视做过十三年工，由《劲歌金曲》嘅助理编导（PA）做起，第二年就升做导演，参与过《翡翠歌星贺台庆》、《香港小姐竞选》、《新秀歌唱大赛》等节目嘅制作。後尾佢跳槽到now TV，再随住ViuTV开台而做咗ViuTV嘅监制。

黄慧君做ViuTV监制期间，参与过《悭D啦Honey》同《脱独工程》嘅监制工作。到2018年佢监制嘅选秀节目《Good Night Show 全民造星》出街後引起好大回响，令佢开始畀唔少观众认识。《全民造星》播完後，佢又选出两批参赛者组成男子组合Mirror同Error，重拍住Error做幕前演出，包括《花姐ERROR游》同《ERROR金猪贺岁暨花姐巡游》。